影片
更多
2018-08-05
923 浏览
女波士当然遇上过啦，不过，咁耐以嚟，小弟都喺咁唔好彩，遇人不淑，未试过有好下场。但喺，是夜同表姨甥女嚟到「Girlboss by Master Kama」补祝佢生日，结果就有个好下场，食咗餐唔错嘅晚饭。餐厅嘅环境绝对喺好少女，因为一室都喺梦幻粉红，所以，是夜所见，都喺以女生为多。如有得三几个人，最抢手喺入门口左边嘅马蹄位，空间大啲，又自成一角，而且，皮梳化椅睇落都好坐啲。有咩菜式，一大张A3纸印晒出嚟，仲兼喺一张落单纸，好似考试剔格仔咁。种类包括沙律、是日餐汤、前菜、主菜、意大利面、意大利饭、 汉堡、薄饼、热锅及儿童餐，都有颇多选择。此外，亦有一款自由组合嘅二人餐「Bossy Royal Set」（$338）及指定菜式嘅一人餐「Girl Power Set」（$138）。特别提一提个「Bossy Royal Set」，真喺几划算， 包咗两客沙律 / 餐汤（全份）、两客前菜（半份）、一客主菜（全份）、两客意粉 / 意饭 / 汉堡 / 薄饼（半份），部份菜式可加钱升级，但需留意部份菜式喺以半份计，不过包咗咁多嘢，够饱之余，仲可以试到多啲嘢添。唯一美中不足，喺个餐唔包饮品，需另外散叫。温提一
餐厅嘅环境绝对喺好少女，因为一室都喺梦幻粉红，所以，是夜所见，都喺以女生为多。如有得三几个人，最抢手喺入门口左边嘅马蹄位，空间大啲，又自成一角，而且，皮梳化椅睇落都好坐啲。
有咩菜式，一大张A3纸印晒出嚟，仲兼喺一张落单纸，好似考试剔格仔咁。种类包括沙律、是日餐汤、前菜、主菜、意大利面、意大利饭、 汉堡、薄饼、热锅及儿童餐，都有颇多选择。此外，亦有一款自由组合嘅二人餐「Bossy Royal Set」（$338）及指定菜式嘅一人餐「Girl Power Set」（$138）。
特别提一提个「Bossy Royal Set」，真喺几划算， 包咗两客沙律 / 餐汤（全份）、两客前菜（半份）、一客主菜（全份）、两客意粉 / 意饭 / 汉堡 / 薄饼（半份），部份菜式可加钱升级，但需留意部份菜式喺以半份计，不过包咗咁多嘢，够饱之余，仲可以试到多啲嘢添。唯一美中不足，喺个餐唔包饮品，需另外散叫。温提一下，星期六、日、公众假嘅晚市喺无供应呢个二人餐，明显喺揾嚟吸引平日客，唔怪得今晚都只喺星期二晚都爆场啦。
饮品方面，佢哋就提供较多特色饮品，有沙冰、梳打、茶品、啤酒、鸡尾酒、咖啡……等等。如果点套餐或其他散点菜式，可以有得加钱配饮品嘅优惠就好喇。
沙律 / 餐汤类共有7款，从中可拣两客，我哋嘅策略就喺拣啲有厨师推介嘅公仔，或者，单价较高嘅菜式，当然，都要合大家口味嘅，结果就拣咗两款沙律。
蟹肉牛油果苹果青瓜沙律（散点$43）以玻璃樽装住啲沙律，外观精致型格，睇名就知有咩食材，包括蟹肉、牛油果粒、青苹果片、青瓜粒及罗马生菜，只喺加点橄榄油，最正喺蟹肉唔少㖞，且挺鲜甜，用料无欺场，整体予人感觉清爽开胃。
蟹肉牛油果苹果青瓜沙律
16 浏览
0 赞好
0 留言
另一款沙律同样以玻璃樽装住，但食法就唔一样，喺要先冚盖摇匀后嚟食，又几别出心裁㖞。对比起上面个蟹肉沙律，呢个反而味道突出啲及层次丰富啲，大概喺因为加入西柚肉及柠檬汁，仲有紫洋葱及黑橄榄所致。但有一点落差，菜名嘅柚子喺指红肉嘅西柚，而唔喺预期白肉嘅日本柚子，哈哈。
三文鱼柚子柠檬玻璃杯沙律
$43
12 浏览
0 赞好
0 留言
下一站喺前菜，足有15款选择，亦可选两客，不过就喺半份嘅份量，而下面所显示嘅单价参考，就当然喺全份嘅份量吧！另一特别之处，就喺有型到连同其中一款主食（薄饼），以高茶嘅三层架华丽登场。
龙虾芝士玉子烧（散点$88）呢道芝士玉子烧可以拣龙虾或黑松露，拣前者心理上就好似抵啲。件玉子烧真喺做得几好，啲蛋浆煎得嫩滑，甚富蛋味，夹住软滑嘅芝士，认真唔错，只恨得几粒仔龙虾肉啰。店员刻意提提尽快食，怕啲蛋摊冻就无咁滑，贴心嘅提示。
龙虾芝士玉子烧
5 浏览
0 赞好
0 留言
咪谂住鸡翼里面酿入龙虾及芝士，英文菜名已打住Lobster Cheese Sauce，不过，为免啲客谂多咗，个菜名叫龙虾芝士「汁」鸡翼就会好啲喇。鸡翼本身炸得香脆不腻，淋上龙虾汁，却意外喺刨出片片巴马臣芝士，唔喺求其糁啲芝士粉，有诚意，芝士嘅香气亦有浓郁啲。
主菜类就共有6款供选择，个海鲜拼盘既喺厨师推介，晌唔使加钱底下，又喺相对贵少少嘅菜式，自自然然就拣佢。
Boss’s Seafood Platter 海鲜拼盘（散点$138）虽然无期望啲咩贵价海鲜，但百零蚊货仔，有鲜虾、珍珠贝、鱿鱼同炒蚬，放满一大碟，配以自家调制嘅鸡尾汁及苹果醋，又算唔错㖞。啲海鲜都喺煮熟晒，啱啲唔食得生嘢嘅朋友，几款海鲜都食到鲜味，唔喺雪藏货色，最好食喺啲鲜虾同鱿鱼，前者颇爽口，后者柔韧有咬口。
意粉 / 意饭 / 汉堡 / 薄饼类可以拣两客（半份），先睇睇意粉 / 意饭类，有12款，小弟向来较喜欢拣意大利饭，因较考到师傅手势，所以，就拣咗一客意大利饭。
波尔多红酒炖牛面肉烩意大利饭（散点$108）个意大利饭做得似模似样，饭粒亦够湿润，只喺略嫌少咗意大利饭𠮶份咬口感，较似台式嘅炖饭咁；不过，咪睇啲牛面肉「黑孟孟」，其实好好食，软腍，带有微微红酒香。
而汉堡 / 薄饼类，选择亦唔少，有8款菜式，呢度就由表姨甥女负责拣，佢话食汉堡比较麻烦，所以，就拣咗一客厨师推介嘅龙虾薄饼。
意式龙虾海鲜薄饼（散点$168）半份嘅份量啱晒两个人食，但心想，全份嘅话可能唔喺好大件。话虽以龙虾为卖点，不过，龙虾肉真喺唔多，海鲜料亦少，最多就喺啲芝士，不过，整体嘅味道都算唔错，个饼底如果仲脆啲就更理想。
Thunderstorm $58啲沙冰呀、梳打呀一类饮品，除咗芒果、菠萝，荔枝就喺小弟另一心水，不过，好难想像以荔枝及桃做出嚟嘅沙冰叫「Thunderstorm」，而唔喺「Snowball」或「Summer Ice」之类，但一送到上枱，就明点解。一身乌黑如阴天嘅感觉，非常大杯，估计喺加入竹炭粉啩？入口劲荔枝味，但桃哋就久奉，然而，质感几好，打得细滑，唔会饮到碎冰粒。
Yellow Submarine $58表姨甥女嘅黄色潜艇，以芒果及杂莓沙冰组成，底下亦明显见到有少少杂莓沙冰，不过，饮落都喺以芒果味为主导，的确，芒果味浓郁，入口冰凉解暑，面层仲有大大粒鲜芒果肉添。
综合嚟讲，Girlboss嘅菜式比较多元化，不拘一国，但稍稍以意大利菜为主导，食物水准唔错，亦注入不少新意，招呼亦好到位，店员殷勤有笑容，唔知喺咪当我哋喺「波士」咁招呼呢？
张贴
