Rosie

营业中

休息中

Rosie@葵芳广场今次朋友带咗我去呢间位于屋邨入边嘅隐世咖啡店。网上睇人讲Rosie 既位置好难揾，但佢其实就系葵芳站D出口，葵广附近向住葵芳邨方向行去，唔驶3分钟就到。Rosie嘅装修就崇尚简朴嘅风格，唔会太过花巧。店入边运用咗纯白墙身同木系台椅嘅布置，带啲波希米亚风，同时有少量石制品同本地陶瓷艺术作品摆设。依度主打嘅就系佢哋嘅pasta，所以我哋都叫咗一个同埋其他甜品嚟试试：🍝柚子青口大管粉个青口食落几鲜甜又够肉地，又有淡淡的柚子味道，食落几fresh。而大管粉平时好少食到，食落都几得意又过瘾。🥪流心蛋三文治呢个蛋治算系我食过比较高质嘅一次，虽然都只系普通馅料，但香酥脆既面包夹带住丝丝甜味，咬落去有流心蛋黄爆出嚟嘅蛋液同埋好有质感嘅蛋碎、蛋沙律同生菜。咬咗一啖个包都唔会散晒或者崩塌。🍤虾多士我哋都另外点咗个虾多士作为小食，食落够脆口、不过不失咁。🧇紫白配牛角酥窝夫呢个都系一个比较signature嘅打卡菜式，摆盘非常有心机。紫白相间既忌廉分别为蓝莓同奶油忌廉，表面洒上鲜艳百撘既杂莓，仲伴埋泰式奶茶味嘅雪糕！视觉效果非常好。