賞茶 (已結業)

赏茶离公司好近，当初未开店时已经超期待，因为同事话佢既珍珠奶绿好好饮，一直都劲想试，自从佢开左，一个月起码要饮一两次先心息。今次我加埋仙草，我好钟意食赏茶既仙草同埋珍珠，都超好食。我不嬲饮呢类饮品都会走冰走糖的，不过唔系间间都可以走糖后仍然好饮，继天仁之后，令我满意既，就系赏茶。奶绿既茶味同奶味都好平衡，波霸好烟 un, 份量亦够晒多，饮晒 d 奶绿都仲有珍珠剩，由头开心到尾啊。走冰系得8分满的，menu 有写，不过店员都会提醒的，觉得唔错。呢间分店有位坐，坐住叹，really nice我试过其他饮品，例如赏红茶，芋头鲜奶，冬瓜茶之类。不过我觉得最差既系芋头鲜奶，甜到惊人，好恐怖既甜。个人认为最好饮系波霸奶绿 / 乌龙茶+仙草见佢仲有吐司卖，$15 唔贵，但系我有珍珠仙草食，已经好饱了，所以下次先试佢啦。