坤記粥店

营业中

休息中

坚系由小学鸡食到变中女，情意结。细个爸妈带嚟食，必点斋肠白粥，当年肠粉未兴混酱，甜豉油味最好味，白粥丧加盐lam lam利。家族生意兄弟姐妹个个饼印一样，唔惊走失。中学时代识点萝卜榚，记得一次著住校服食完先发现唔够钱俾，我怕怕丑丑同店员话转头㩒钱俾佢，佢好友善笑住话唔紧要，下次先，令我记忆犹新。泥状萝卜糕，上次喺深水埗店叫但个样完全唔一样，𠮶度系一般见到正常大嚿无料榚状，但呢个泥状萝卜糕佢有脆花生，大量大条香葱，葱香四香气四溢，松散嘅榚身吸哂甜豉油，总店独家，好味！零温度，冻冰冰，唔够豉油，唔得。