泰地道 (文苑樓) (已結業)

揾食想揾附近停到车的，于是嚟左八文楼一带。老婆做完运动想减肥食得清淡啲，但见周围都烧烤，咁就不如求祈喺泰国或越南菜馆揾碗汤粉食就算。于是路过文苑街，见到呢间「泰地道」新新地，就行左入去，总好过又食老赵。老板娘见我地初嚟报道，用心推介左个三文鱼沙律当头盘，我地见呢道菜同减肥无咩冲突，又价钱适中，就欣然接受建议。我同老婆都点左个 BB 辣，好开胃，令到减肥中嘅老婆破戒食埋属于我𠮶份嘅肥美三文鱼。我食亲泰国野都通常饮椰青，呢度个椰青满分！蒜蓉包香脆，无话太多硬「 掘掘」嘅包皮，够哂蒜蓉。今次纯粹路过，有惊喜，值得返转头。