亞萊嘜嘜 (已結業)

一家人为妹子庆生，寿星女选择去元朗，大家都钟意食泰菜，听闻呢间唔错就拣佢啦。原本订位18:30最理想，不过餐厅话只有18:00，早到嘅先叫嘢食都得嘅。原来佢晚市开18:00，走嘅时候，好多人响门口等位，唔怪得之啦，想做多一转客系人之常情。人多可以叫多啲嘢食，除咗平日嘅必选菜式，叫埋好耐无食过嘅咖哩蟹！蒜蓉包好香兼外脆内软，好食，咖哩蟹未嚟，已一人一件食光光小食拼盘都唔错，同家人一起分享特别好味嘅。青木瓜沙律口感爽爽，食落有啲辣串烧拼盘拣3猪3鸡，OK好食，沙嗲酱好香。大虾冬阴公汤好多料，有鲜草菇才是正宗味道汤水酸辣度适中，最正系只虾真系好大只，啖啖肉，爽口鲜味飞天通菜味道唔错，不过其中有啲老梗。椰青清甜，清热气最好，连椰肉都挖出来吃。最期待嘅咖哩蟹嚟喇，叫多个蒜蓉包点汁食。成只蟹祇系有三件?因为蟹身只分左右两半，咁大旧点食呀?要问店员攞较剪自己一开三！呢只应该系水蟹嚟，啲肉又削又腍，睇吓只蟹钳得60%左右嘅肉！个汁又比较咸...扣分。甜品拼盘3款都唔错，特别系千层糕口感软糯，椰香浓郁香芒黑白糯米饭几特别，满足晒选择困难嘅人芒果好甜。