泰仔美食

营业中

休息中

门口个叔叔店员好热情，一人送咗一包米饼，仲有认真推介热门嘢食俾我哋。入座之后坐嘅位置比较迫，所以帮我哋换咗其他阔位。限时80分钟，但上菜都好快，所以都唔会太赶时间。真心我觉得泰仔可能系成个九龙城服务最好嘅泰国餐厅！*烧牛仔骨 $168招牌牛仔骨，腌到好腍好入味，重口味之选。钟意更加重口味可以点汁，甜甜微辣，平衡牛仔骨咸味。猪肉碎生菜包 $78好辣，全场最辣！无论系肉碎定生菜都份量好足。虽则有好多葱粒/九层粒，但都比较单调，唔够惹味。虾酱炒通菜 $68虾酱香喷喷又唔会过咸，炒通菜都唔会太辣。青咖喱鸡 $68青咖喱微辣微甜，椰子味唔算香，比较似汤水，但好好饮。鸡肉份量慷慨，滑但冇鸡味。配料有泰国茄子、大量四季豆，好丰富。薄饼 $30两片Roti一开八，脆但厚身，未够香，而且略油。蒜蓉包 $30六片法包加蒜蓉酱，烘到脆脆，但蒜蓉酱未免分得太唔平均啦呱。椰青 $35椰青水非常解渴解辣，仲可以挖椰肉食。