ChaTraMue (已結業)

第一次饮，同系泰国买嘅茶叶一样味。一杯chalum（奶茶） 有佢独特嘅椰香味，我谂就系只能少甜嘅原因。其实泰国人都好饮得甜，但我觉得少甜反而系我要求嘅正常甜，好难想像正常有几甜。但都不能怪的，因为佢系泰国特色。饮得甜都几似台湾嘅奶茶，可以有几甜得几甜，而令人忘记饮奶茶重点系茶同奶嘅配合。所以港式奶茶反而胜过晒台湾同泰国奶茶，可以选择甜度，正如之前系尖沙咀主打卖丝袜奶茶嘅善茶。唔同甜度奶茶嘅味道都会有变化。讲番转头，依杯奶茶都几香，热饮真系好热。但店员话无杯套，我又唔见有纸巾供应，所以都系辣手，另一问题系佢只能拎住，杯盖无封口位，如果买十几杯热泰式奶茶可能会倒泻。出餐情况可以改善，等一杯野都要5分钟，唔知系人手问题定系冲得慢，而想制造人龙及多人效果。另外，见人哋买冻饮，个杯系几大杯嘅，但啲冰真心多，少冰都好似多冰咁，唔怪得个杯大，俾人感觉都合理，但咁样不如转细个杯，冰嘅份量少啲仲好啦，虽然话泰国长期都系好热，啲国民好中意多冰，但香港天气唔会咁热，希望佢哋可以作出区域调整。所以有一点几岩，佢哋饮品冻嘅真系冻，热嘅真系好热。总括而言，有泰国特色，可以试下。