Aroma Thai Food

营业中

休息中

上年去过清迈发现原来泰北菜好好食，不过香港好似唔系好多泰北餐厅。呢间小餐厅专食泰国粉面，试咗佢个泰式金酱面，好欣赏佢会喺菜单仔细写汤底入面用咗啲乜嘢材料同埋做法，发现原来金酱唔等于咖喱汁，虽然望落去个酱汁好似会好浓好辣，但系其实食落口又唔觉得好油腻，反而系食到一啲香料嘅香味，个烧鸡做得好好，配埋个炸脆面同埋酸菜洋葱，成碗面嘅口感非常丰富。如果唔想食炸嘢，清汤都系好好嘅选择，呢度嘅泰式清汤用猪骨同埋鸡架去煲，虽然叫清汤，但系味道都系好香浓嘅，我要咗安格斯牛肉，食落口就知道唔系平价货，加埋大量芫荽，牛味清香！柠檬草蓝姜饮品唔系度度有得饮，清新之中有啲姜辣味，我自己就好钟意嘅！另外我觉得小食酸辣手撕鸡都几惊喜，估唔到手撕鸡都可以用呢一种酱汁去做，非常开胃。另外都试咗炸虾饼同埋炸鱼饼，两款都系比较薄身嘅款式。综合嚟讲我觉得呢间小店性价比好高，细细间环境好企理，食物质素都好高，两个人食每人百零蚊已经可以丰富满足饱！