新泰東南亞餐廳 (已結業)

呢几日天气有啲热，夏天真系黎啦，因为冇乜食欲，咁就不如去食下thai菜，有啲酸酸辣辣嘅嘢食，好似开胃啲咁之前见朋友嚟过呢一间泰国餐厅食，好似几唔错咁，就黎试吓啦😇都几冇介绍错，入到黎觉得好有泰国嘅感觉，包括啲家私同埋成个气氛都系非常舒适，真系冇拣错地方。食泰国菜，梗系要食下佢嘅肉碎包生菜啦，仲好似好健康添，咁佢都有唔同嘅肉类选择，特别啲嘅有鱼肉啦，咁我哋今次就冇拣嘅，我哋就选择咗鸭肉，因为好似出面啲泰国餐厅都比较少有呢一种，不过题番声如果唔系好食得辣就唔好拣啦，因为都几辣下嘅，但系就几开胃，啱晒做前菜啊跟住就叫咗个马拉盏炒通菜，真系唔识唔知原来马拉盏系咸鱼嘅一种，通菜加埋都好好食，都几健康。跟住我哋都叫咗鱿鱼，同出面西式嘅餐厅有啲唔同，佢个汁都系酸酸辣辣咁嘅,下次嚟试吓佢哋个南瓜饭先，因为见到隔离食好似好好食