影片
更多
2019-09-04
108 浏览
放咗工就谂住同朋友喺附近睇戏，九龙湾呢头其实都几多戏院架，但系要数最舒服，就系星影汇呢边。费事走来走去啦，于是就喺九展呢边揾嘢食。见到呢间主打东南亚菜式嘅餐厅，喺出边睇好chill，港女我梗系要入嚟试吓啦。我哋两个人，就叫咗一个二人套餐嗌咗吞拿鱼青木瓜咸蛋沙律，椰子鸡汤，烟三文鱼明太子菠菜意粉，香煎纽西兰肉眼扒配烧汁。沙律十分之大份，配上上面好新鲜嘅吞拿鱼，比我感觉好清新，用来做开胃前菜就啱啱好。食完沙律就饮个汤先啦，呢个汤材料亦都好足够，有蘑菇蕃茄仔仲有好重香茅味，果然泰式。唔好咁贪心系呢个时候饮晒啲汤，因为我太贪心，饮左太多汤太饱，要等一阵先食得落其他嘢食。重头戏黎啦！呢一个烟三文鱼明太子菠菜意粉非常非常之啱我口味，重要嘅事要讲三次：非常之啱我口味！首先烟三文鱼够多而且薄薄一片唔会太厚亦都唔会太薄，重点系佢酱汁嘅调教，够晒甜配合埋烟三文鱼𠮶少少咸，同埋面头嘅𠮶啲芝士粉，放入口完全感受到味道嘅层次真系停唔到口不停咁样食啊。不过呢度嘅嘢食太大份，食完沙律，饮晒汤，食埋呢个意粉我已经饱饱地啦。我哋仲有个肉眼扒，为咗试真啲佢个味，其实我无点烧汁，但系我觉得佢牛扒腌得非常之好，完全唔需要点烧
费事走来走去啦，于是就喺九展呢边揾嘢食。
见到呢间主打东南亚菜式嘅餐厅，喺出边睇好chill，港女我梗系要入嚟试吓啦。
我哋两个人，就叫咗一个二人套餐嗌咗吞拿鱼青木瓜咸蛋沙律，椰子鸡汤，烟三文鱼明太子菠菜意粉，香煎纽西兰肉眼扒配烧汁。
沙律十分之大份，配上上面好新鲜嘅吞拿鱼，比我感觉好清新，用来做开胃前菜就啱啱好。
食完沙律就饮个汤先啦，呢个汤材料亦都好足够，有蘑菇蕃茄仔仲有好重香茅味，果然泰式。唔好咁贪心系呢个时候饮晒啲汤，因为我太贪心，饮左太多汤太饱，要等一阵先食得落其他嘢食。
重头戏黎啦！呢一个烟三文鱼明太子菠菜意粉非常非常之啱我口味，重要嘅事要讲三次：非常之啱我口味！
首先烟三文鱼够多而且薄薄一片唔会太厚亦都唔会太薄，重点系佢酱汁嘅调教，够晒甜配合埋烟三文鱼𠮶少少咸，同埋面头嘅𠮶啲芝士粉，放入口完全感受到味道嘅层次真系停唔到口不停咁样食啊。不过呢度嘅嘢食太大份，食完沙律，饮晒汤，食埋呢个意粉我已经饱饱地啦。
我哋仲有个肉眼扒，为咗试真啲佢个味，其实我无点烧汁，但系我觉得佢牛扒腌得非常之好，完全唔需要点烧汁都好够香味，而且切落去唔会话太干，就算前面食得几饱呢一个牛扒绝对值得食！
我哋仲叫咗一个甜品就系法式焦糖炖蛋。
嘢饮方面为咗消一消济，我哋都饮茶，但系就叫左唔同嘅茶，玫瑰茶同埋铁观音，一阵睇戏唔会瞓着呀嘛。
两种茶都系用茶包，但系又好重茶味。我特别欣赏嘅系佢铁观音十分之顺滑，饮落去唔会苦涩。
张贴
