泰屋

营业中

休息中

某人突然接放工，就响附近揾嘢食，呢间泰菜由公司行过去唔远， 搭车返屋企又近 。上到去见门面有啲泰国装饰，店里面宽敞 明亮，某人就负责点菜，点选一个炒粉丝、 一个炒菜、一个汤再加一个小食。第一个先嚟嘅呢就系大头虾椰汁汤，呢个汤大头虾好大只，个头有好多膏，虾肉爽鲜好滋味，个汤好香椰汁味带微辛，好饮。跟住嚟一个系马拉盏炒椰菜苗，惹味又爽脆，我最钟意食。再嚟个虾酱炒鲜鱿，配菜丰富颜色靓，虾酱味唔会太浓， 切花好靓，肉质柔软，唔会好韧。最后一个就系泰式海鲜炒粉丝，炒粉丝上面有虾仁、青口、鱿鱼、洋葱、芹菜，非常惹味。泰国美味可以暂时满足吓未能出游嘅口腹之欲。