馮濤泰菜

营业中

休息中

朋友介绍去左间新开泰国菜餐厅，老板系泰国人，亦是大厨，真系正宗泰国菜。餐厅装修都几靓，黑色配搭金色边枱，感觉高档时尚。泰式冬阴功：配料多，有大虾，每口都食到菇同蕃茄仔，汤味道酸酸，加左鲜窄青柠汁，同出面饮开果D唔同，好开胃。泰式素春卷：刚炸起，外皮好脆，里面有红萝卜丝、芋头同木耳等配料，口感丰富，好味。泰式蚝仔煎蛋：蚝仔大只，中间有芽菜，口感湿润juicy，完全唔觉得热气，配埋旁边泰式甜酱，好好食，值得推介。泰式虾油虾炒饭：虾油用虾头制成，炒饭真系比平日食开嘅香，带鲜味。里面有提子干、粟米粒、青豆同洋葱等配料，饭炒得干身唔太油，味道甜甜地，几有层次感，唔错。洛神花茶：自家制，酸酸地，老公几钟意。香茅茶：同样自家制，除左香茅，仲有斑兰叶嘅味道，好香，味道甜甜地，几好饮。