泰筏味泰國船河專門店 (已結業)

同老友聚会开餐，今次轮到我话事，拣食边间餐厅，我就拣左之前系网上睇过报导既船河餐厅，听讲老板系泰国人，咁食物应该好正宗。呢度系半自助点餐，自己出去收银度叫野食，比钱，跟住埋位等店员送餐。先买左饮品先，龙眼冰同珍多冰，味道比较淡。泰国空运烧鸡，皮薄，香口，唔多肥膏，应该有半只的，肉嫩滑，配个泰国辣酱食，争味！椰青，大大个，清甜解喝，d椰子肉好嫩滑。脆肉船河，河粉又滑又q，脆肉味道咸香，汤底浓郁，因为15元一碗好平，我地跟住叫左多几碗试多几个味。