屯門小曼谷泰國美食

营业中

休息中

母亲节前夕，谂住避开唔去人多商场，点知麒麟径亦一堆人潮，7点，乸住张要等十张枱嘅飞，落住豆大嘅雨仲要冒住凉风，等咗廿分钟顶唔顺就贪就手……宁宁舍舍呢间舖冇客，谂住冇咁跷伏味揾到嚟。入去行经地板、掂圆凳面、洗筷子均觉黐立立……得个笑笑眼嘅靓女看舖，本身打完波又太饿，二话不说，都系点一堆嘢……可能见有老有嫩一口气叫咁多𩠌咁豪气，送两杯龙眼冰过我哋饮，外卖杯装，着实口渴，唔死甜有龙眼肉味，300ml左右好快啜风。柚子沙律系几多柚子肉，不过唔似金柚，勉强交到差。串烧鸡牛猪完全冇炭烧𠮶阵味，冇渗油感，似用微波炉整熟。最费解系点解淋上去啲酱系腐乳沟花生酱咁味？怪爆感顿生。猪颈肉问题类近，冇烧香质感，靠配送𠮶个辣汁打救番。食涯以嚟最难食嘅湿炒牛河出炉，芥兰、葱都冇条，牛冇该有嘅味，汁底、河粉味似碗布……4人食咗两小碗，面面相觑之下留番八成俾枱面，连催眠自己用点猪颈肉啲辣汁倒落去整走阵怪味都冇意欲。比较正常味道系马拉盏炒通菜。生菜包似揾水灼熟，冇镬气。