水門雞飯 (百宜樓) (已結業)

因为去换护照嘅关系，好早就出左去🤦🏻‍♂，见换完护照饿饿地，会合番朋友之后就去揾嘢食。路过格离街就见到一间泰国水门鸡嘅餐厅，就入左去试啦。睇完餐牌之后，觉得价钱都算合理。叫左个双拼水门鸡饭、芒果糯米饭同鲜虾炒金边粉。首先黎到嘅系芒果糯米饭，虽然芒果唔系当造嘅季节，但系食落都甜唔酸，饭方面黎到都仲热热地，食落弹牙。至于双拼水门鸡饭方面，有分两种鸡。炸鸡外面脆皮，里面嘅肉仲相当冧。原味鸡方面，色泽唔错，食落去几滑，加埋提供嘅酱汁，有自己嘅风味。最后就系鲜虾炒金边粉，原来系有少少辣，虾嘅份量算多，金边粉方面，唔算太油，因为之前同过其他餐厅都好多油，越食越想呕。总括黎讲，呢间餐厅系香港黎讲，系一间平民而又好食嘅泰国餐厅，我都会考虑再食多次👍🏻。