泰國婆

营业中

休息中

今日朋友带咗我哋嚟东港城食泰国菜，餐厅都几大，位于商场转角位置，以木色系为主。八点入座，已经差唔多坐满九成。泰式四拼盘   $148拼盘有虾饼、鱼饼、春卷、鸡翼。拼盘新鲜炸出，春卷炸得香口。虾饼口感弹牙，配埋泰式甜酸酱，味道唔错。鱼饼加入香茅，每啖都充满香茅味道。串烧拼盘(6串) $98拼盘有鸡、牛、猪，每款有2串。串烧烧得刚刚好，食落仲有肉汁。肉质本身已腌得几入味，亦可配上提供嘅沙嗲酱一齐食。咖喱面包软壳蟹 $88面包内装满咖喱同软壳蟹，卖相相当吸引。软壳蟹炸得酥脆。咖喱好香，味道唔太辣。面包松软，吸汁一流，每口面包都充满咖喱。泰式肉碎生菜包 $88生菜新鲜，泰式肉碎加入蒜同指天椒，炒得几香辣惹味，辣得几过瘾。飞天炒通菜 $78幼身通菜，食落唔算太辣。泰式船汤河 $78船河足料，有牛肉片、牛丸、萝卜、炸猪皮。汤底带微甜。牛肉比较有咬口，炸猪皮放上面，食落仲好好香脆。芒果糯米饭 $68食泰国菜，必点芒果糯米饭。芒果超甜，仲配热辣辣嘅黑糯米同白糯米，糯米软糯有咬口，满足。另外，餐厅仲会送上桂花糕作为甜品，味道都唔错，唔太甜。