牛石料理 (已結業)

九龙城原来都有咁出色既日本菜，呢间小店门口已经有鱼缸放晒啲游水活海鲜，一睇就知食材高档有保证，一定要试下！串烧👅烧日式鸡肉棒，日式烧鸡翼，豚肉芦笋卷，日本盐烧鸡皮～重点都系鸡，呢间既鸡串烧都几多款，鸡肉棒肉质软腍，点少少烧汁就好好食啦；鸡翼烧到皮好脆，肉好嫩，好惹味；鸡皮就仲脆，脆到索索声，少少咸多多趣呀；豚肉芦笋卷就好香口，软嫩既豚肉包住新鲜既芦笋去烧，豚肉既油香渗晒落芦笋到，又系好惹味！海胆杯💋海胆好多，好滑好鲜，仲有三文鱼籽，一粒粒好爽，好咸鲜，加埋少少寿司饭，味道岩岩好！鲍鱼刺身👀鲍鱼以刺身上枱，最能带出鲍鱼既原始鲜甜滋味，爽甜弹牙既鲍鱼质感好好，系爽脆既口感，每一啖都散发海水咸鲜味，一片片食得好开心！