少爺泰 (已結業)

食左個簡單又好味既泰國餐。午餐時間經過見都多人排。餐廳啲位都好闊，坐得舒服。叫左個泰式豬脾飯。份量多。豬脾好大舊。食左一啖，諗起係曼谷食果間路邊攤。味道好道地。豬脾整得滑，肉質好有水份。豬皮好爽口。啲汁甜甜地，加埋飯食好好味。仲有通菜係側邊同埋整粒雞蛋。咁啱我又做完運動，最適合食呢餐。好豐富既配搭。可以見到豬肉勁多骨膠原。食完成個人都靚埋。叫埋杯熱柚蜜。食完慢慢飲養下身，感覺良好。味道好，又坐得舒服。下次會再黎。