影片
更多
2025-02-24
0 浏览
荃湾新开泰式火锅放题，边打边炉边感受泰国风味放工后同朋友去荃湾愉景新城揾食，发现新开左间泰式火锅放题，泰国迷既我点可以错过？地点方便又就脚，最岩我地呢d懒人。睇到餐厅其中一款主打鸡煲同火锅，又有超多泰式小食，二话不说即刻入内开餐！ .泰初夏之鸡煲 + 牛板腱火锅放题 $278/位我地拣左Set B既「泰初夏之鸡煲 + 牛板腱火锅放题」，边炉鸡煲一齐上，感觉好满足。鸡煲香料味道浓郁，d汤汁渗入食材入面，真系鸡煲爱好者既天堂！.泰式鸡煲系我呢餐最惊喜既部分！用左大量泰式香料，有香茅，洋葱，辣椒等，带出浓厚既泰国风味，啖啖都有层次感。鸡件煮到岩岩好，肉质嫩滑，每啖都有淡淡既香茅味，入口开胃又吾会腻。.火锅汤底有5款可以拣，我地就试左冬阴功拼泰式清汤底。冬阴功汤辣中带酸，香料味十足，辣得黎系岩岩好既程度，至于清汤底就清甜顺口。.今次我地试左牛板腱同澳洲250日谷饲卡乐Beef.牛板腱薄切得岩岩好，下锅一煮就软腍，带少少牛脂既香气。至于澳洲卡乐Beef，肉味更浓，脂肪分布均匀，吾会太油腻，食完真系齿颊留香。其他肉类好似牛胸爽、西班牙栗心豚肉片都系值得一试！ .除左边炉，仲有不同泰式小食。炸墨
放工后同朋友去荃湾愉景新城揾食，发现新开左间泰式火锅放题，泰国迷既我点可以错过？地点方便又就脚，最岩我地呢d懒人。睇到餐厅其中一款主打鸡煲同火锅，又有超多泰式小食，二话不说即刻入内开餐！
.
泰初夏之鸡煲 + 牛板腱火锅放题 $278/位
我地拣左Set B既「泰初夏之鸡煲 + 牛板腱火锅放题」，边炉鸡煲一齐上，感觉好满足。鸡煲香料味道浓郁，d汤汁渗入食材入面，真系鸡煲爱好者既天堂！
.
泰式鸡煲系我呢餐最惊喜既部分！用左大量泰式香料，有香茅，洋葱，辣椒等，带出浓厚既泰国风味，啖啖都有层次感。鸡件煮到岩岩好，肉质嫩滑，每啖都有淡淡既香茅味，入口开胃又吾会腻。
.
火锅汤底有5款可以拣，我地就试左冬阴功拼泰式清汤底。冬阴功汤辣中带酸，香料味十足，辣得黎系岩岩好既程度，至于清汤底就清甜顺口。
.
今次我地试左牛板腱同澳洲250日谷饲卡乐Beef.牛板腱薄切得岩岩好，下锅一煮就软腍，带少少牛脂既香气。至于澳洲卡乐Beef，肉味更浓，脂肪分布均匀，吾会太油腻，食完真系齿颊留香。其他肉类好似牛胸爽、西班牙栗心豚肉片都系值得一试！
.
除左边炉，仲有不同泰式小食。炸墨鱼丸外层炸得金黄香脆，一咬落仲可以感受到墨鱼既弹牙口感，内里鲜味十足。泰式串烧鸡烧得好入味，更带有少少烧烤既焦香味。仲有其他泰式小食好似串烧牛、串烧猪，泰式沙律，虾片，斑斓糕，椰子糕等，都系非常有泰国特色，全部都想试晒！
.
自助柜既选择都有不少。丸类、蔬菜、面类都有。我特别推荐佢地既韭菜饺，手工手饺非常新鲜，馅料饱满，皮又薄，咬落满口香。白菜饺口感清甜，虾滑弹牙，点汤底一流！最方便既系可以用手机直接落order，简直零障碍！
.
饮品选择非常多，系我食过既放题中算系最多选择之一。泰式奶茶浓郁香甜，奶味同茶味比例岩岩好，感觉返左泰国咁。泰式青柠梳打清爽解腻，饮完即刻有种refresh既感觉。另外仲有其他饮品好似龙眼冰、提子梳打、乳酸梳打、椰岛雪香，全部都可以无限encore，绝对系饮品爱好者既福音！
张贴
