影片
更多
2024-03-04
54 浏览
尖沙咀收工揾地方食个晚饭，去左乐道嘅泰浓面，装修简简单单仍然充满泰国风情，地方唔算好大，不过整体坐得舒服，以细枱为主。二人柯打左汤面，饭，沙律同两杯泰式饮品，六点晚餐时间尚早，落单食物好快就已经上枱，重点先讲下食物质素同味道： 冬荫功肥牛黄面食泰国菜点少得试冬阴功汤呀？呢碗面一上枱已经有惊喜，本身以为净系得肥牛一款𩠌，原来配菜有虾、青口、蟹柳同秋葵。再试埋个汤，合格之上，而且怕辣人士都可以食到，味道都几啱香港人口味，之前有啲铺头食冬阴功面真系太辣而食唔哂成碗，而今日呢碗过到泰国瘾之余又食得几舒服。海南鸡饭海南鸡都算系一间泰国餐厅嘅考牌菜，海南鸡用上部分鸡胸同鸡髀，皮肉之间唔会好肥，而且鸡肉熟度刚好，口感非常腍滑，配嘅酱汁就系泰式嘅酸辣鸡酱，酱汁同黄饭就正常发挥，不过饭量可以多少少，今日食哂啲饭都仲有鸡净。青木瓜沙律沙律整体嚟讲系偏酸嘅口味，又系唔食得辣人士嘅福音，青木瓜沙律最紧要就系舂得够入味，呢个绝对做到，食食吓发现少左啲野，原来厨房落漏左落炒花生😂😂，但如果再加分可以用虾皮代替虾米，而家虾米香又硬身，口感争左dd。Homemade龙眼冰 $28冰糖水味道唔会太甜，而龙眼肉都好足料，
二人柯打左汤面，饭，沙律同两杯泰式饮品，六点晚餐时间尚早，落单食物好快就已经上枱，重点先讲下食物质素同味道：
冬荫功肥牛黄面
食泰国菜点少得试冬阴功汤呀？呢碗面一上枱已经有惊喜，本身以为净系得肥牛一款𩠌，原来配菜有虾、青口、蟹柳同秋葵。再试埋个汤，合格之上，而且怕辣人士都可以食到，味道都几啱香港人口味，之前有啲铺头食冬阴功面真系太辣而食唔哂成碗，而今日呢碗过到泰国瘾之余又食得几舒服。
海南鸡饭
海南鸡都算系一间泰国餐厅嘅考牌菜，海南鸡用上部分鸡胸同鸡髀，皮肉之间唔会好肥，而且鸡肉熟度刚好，口感非常腍滑，配嘅酱汁就系泰式嘅酸辣鸡酱，酱汁同黄饭就正常发挥，不过饭量可以多少少，今日食哂啲饭都仲有鸡净。
青木瓜沙律
沙律整体嚟讲系偏酸嘅口味，又系唔食得辣人士嘅福音，青木瓜沙律最紧要就系舂得够入味，呢个绝对做到，食食吓发现少左啲野，原来厨房落漏左落炒花生😂😂，但如果再加分可以用虾皮代替虾米，而家虾米香又硬身，口感争左dd。
Homemade龙眼冰 $28
冰糖水味道唔会太甜，而龙眼肉都好足料，份量都几足，唔会一大杯都系冰，我钟意！
Homemade青柠梳打特饮 $28
呢度嘅青柠梳打会跟原支嘅Singha梳打水，够哂解渴，青柠糖浆份量适中，味道调配得好！
整体呢讲，菜式选择唔算多，食物出品都系属于中上水准，下次可以试埋佢个船面汤同埋原只波士顿龙虾，豪一豪。另外提一提由于台嘅大细有限，比较适合1-4人呢食，人多就可能要分开坐喇。
张贴
