Nara Thai Cuisine (新城市廣場一期)

营业中

休息中

今日经过沙田嘅Nara 忍唔住入去叫外卖返屋企食，回味下泰国味道，而且外卖自取做紧85折优惠，超抵呀！泰式小食拼盘包括黄姜鸡肉沙嗲串烧、春卷、香叶包鸡、香脆鱼露鸡翼、香脆芝麻猪颈肉，一次过可以满足晒所有愿望～最钟意佢哋嘅单骨鸡翼，唔洗拆骨食起上嚟好方便，加上调味啱啱好，香料味十足，好惹味呀～我哋仲追加一份泰式脆春卷，平时食嘅春卷多数以虾为主，而今次呢款系素食之选，唔单止唔油腻，仲好香脆㗎～而大虾柚子沙律清爽开胃，份量足够3-4个人食，沙律汁系分开装㗎，拎到返屋企都唔怕影响口感。同场仲有主菜大虾冬阴功、青咖喱鸡同搭配咖喱嘅首选-印度薄饼， 有菇菌、大虾同大量香料嘅冬阴功，饮返啖都成个人都暖返晒～泰式炒通菜，虽然就有少少辣，不过好惹味，食完都想再食！食泰国嘢仲有必点嘅系泰式炒金边粉呀，一打开就见到蛋网包住金边粉，金边粉嘅口感好烟韧，材料丰富，食之前可以根据口味将辣椒粉、花生、糖捞落金边粉度，如果想再辣少少嘅，仲可以再加辣椒粉。