Mango Tree Café (已結業)

朋友家住太古城，最近当然系去附近嘅太古坊行街街啦，我都好耐无去过果边，到步差不多8点半，而且好多餐厅晚餐都太大份量，我地只想倾计同食少少野，见到Mango Tree散叫小食正合心意。环境不错，地方尚算宽敞，我同朋友可以舒服倾下计。我地唔系好肚饿，二人餐好似太多，不过计返都抵过散叫。我地谂左好耐，都系叫自己钟意嘅野食，叫左3款，分别系＜芒果软壳蟹沙律＞＜红咖喱八爪鱼墨汁面＞＜串烧拼盘＞＜芒果软壳蟹沙律＞嫌菜太少，如果有沙律汁比较好，软壳蟹不油，都算OK。＜红咖喱八爪鱼墨汁面＞份量都足够，八爪鱼份量刚好没偷工减料，面梗度适中 不会过腍。＜串烧拼盘＞有2个汁味道都不错，有酸酸甜甜，另外一个是沙嗲，但嫌串烧份量太小。总结来说，食物环境不错，2个女仔去食都够饱，埋单HKD 350 ，见议差五十几蚊叫2人餐比较化算。