泰麵膳 (已結業)

之前食过旺角果间觉得几好食，又咁岩出开尖沙咀，所以就再试下!尖沙咀舖比旺角细，但冇旺角咁多人!睇完Menu，发现跟旺角果间有少少唔同，面款系一样既，但就少左D小食!(小左烧鸡同生虾刺身)最后我地两个人都叫左两碗面两个小食同两杯野饮!先黎野饮，我叫左青柠梳打，朋友就叫左洛神花茶!青柠只有一小片，不过味道都够酸既!洛神花茶就甜左少少!小食黎啦!泰式酸辣无骨凤爪，都真系几辣，味道都唔错!面都黎啦!我就叫左猪肉船面(金边粉)，佢既猪肉丸味道都几好，汤都好浓，唔错!但可能叫河粉会更加好食!另外一碗叫左安格斯牛肉船面(黄面)，D牛丸味道稍为淡左少少，黄面个人觉得吸唔到汤既味道，建议都系叫河粉或者金边粉会好食D!最后黎埋个炸虾饼，虾饼炸得唔会太油，再点上佢既酱汁，Yummy!