摩登堂 (荃灣廣場) (已結業)

今日同朋友黎到依度食泰国菜，听闻佢嘅甜品比主菜更加出名~事不宜迟，我地点咗2个午市套餐，摩登手工海南鸡饭，必食榜No 1，海南鸡非常嫩滑，一啲都唔鞋，点埋酱食就更加突出佢嘅鲜甜味，白饭转咗做鸡油饭，香味十足。虾头油大虾炒金边粉，金边粉配料好多，除咗大虾之外，仲有鸡蛋丝、豆干，蒜片等等，炒得好有镬气。套餐可以追加小食，我地加咗沙嗲猪肉同鸡肉串，沙嗲酱十分香口，猪肉同鸡肉一样烧得焦脆焦脆。D24榴梿酥球，酥脆嘅外皮包住流心嘅榴梿蓉，榴梿控一定要叫呀！紧系唔少得再追加甜品，网上见到厚吐司好吸引，一于点咗依个流金岁月丹麦厚吐司，哇一上到黎要即刻打卡，卖相超靓。厚吐司酥酥脆脆，配上朱古力雪糕同朱古力酱简直系perfect match。十胜红豆雪糕，雪糕绵滑，红豆软糯。最后紧系升级饮品，爆打玉柚柑，加咗西米，玉柚柑同青柠好清甜。烤杏仁生椰，生椰好浓郁，加上烘烤嘅杏仁片，令味道升华。