金泰棧

营业中

休息中

口淡淡揾啲惹果开胃菜食下都好㖞，系华都呢间金泰栈开左2.0，地方宽落左，新装都唔错！好，坐低睇下有咩好食先。冬阴功汤细，细都唔少野，两个人饮，一人都起码两碗，仲有菇同海鲜，微酸带辣，店员仲好贴心，稍后摊冻左，可能帮忙番热。泰式火车炒饭，有芥兰、蕃茄仔、猪肉、洋葱、炒蛋，个饭炒得好香，用料又丰富，好味又暖胃。泰式炒通菜，用上辣椒和面豉去爆炒，啲菜仲好青绿，又唔会满布油光，食落爽甜。红咖喱鸡，有鸡肉、南瓜、茄子、豆角，咖哩味道好椰，好惹味，红咖哩偏辣，叫多个蒜蓉包点咖哩，正！蒜蓉包就咁食都好有蒜味好香，焗到外脆内软。青柠梳打和龙眼冰，地道饮品，爽！餐后仲送甜品南瓜椰汁糕，唔太甜，糕身似啫喱弹弹下。