木船 (已結業)

友人生日，他喜欢食泰国菜，选了他家中附近的一间泰国菜餐厅，所以来了这里。装修唔错，最紧要灯光够光猛，环境整洁。叫了一个套餐，先来了几杯特色饮品，有一杯颜色非常鲜艳，饮一啖味道有好浓郁嘅士多啤梨。我叫了香茅特饮，清清淡淡的香茅味道，都几特别，几清新的。带子意粉几好食，辣辣地嘅味道，带子又大粒，而且非常入味，带子又唔会煎得太干身。炒泰式河粉，有块蛋花铺喺河粉上面，又几靓，食落去唔会太油。终于嚟到最钟意食嘅脆口食物，拼盘有齐晒炸春卷同埋鸡翼等嘅食物。鸡翼炸得好香脆，点一点汁，衬托晒。炒饭有惊喜，出面街边食开啲炒饭又大碟又唔好食，但呢度嘅味道啱啱好，唔会太咸，份量适中。生菜包嘅肉碎有点辣，但系好滋味。呢个菜式系我最深刻印象嘅食物之一，本身都好怕用菠萝装住啲熟食食物，觉得个味道会好怪，点知试咗味道酸酸甜甜，又几开胃，最后食到停唔到口添。