Chang Thai Restaurant & Bar (裝修中)

一大班朋友拣咗呢间泰菜庆祝生日，餐厅环境有啲似酒吧格局，食物选择种类算多。首先前菜要左泰菜必食嘅生虾，泰式生虾爽口，夹住蒜头同埋辣椒食口感更丰富。另一个前菜试左手打黄金虾饼，好足料，非常弹牙，高质之选。汤要左冬阴功海鲜汤，海鲜份量多，酸酸甜甜，少少辣。主菜泰式酸辣明炉味道偏淡，鱼味比较出，下面有明火热住，keep住温度。另一个农夫包装住咖喱软壳蟹好有gimmick，包偏硬，咖喱造得颇为出色。菠萝海鲜炒饭不过不失，用全个菠萝装住，海鲜份量亦算好多。