泰‧蘭花 (MegaBox) (已結業)

今日同同事食饭，突然间好想食泰国嘢，又唔想去到九龙城咁远，于是就过咗MegaBox嘅泰‧兰花。我哋点咗泰式炒金边粉同埋泰式海南鸡配鸡油饭。午餐仲附有汤、沙律同饮品。是日餐汤就系白菜仔汤同埋青木瓜丝沙律。白菜仔汤够哂鲜味，青木瓜丝沙律清新爽口，作为前菜确实唔错。泰式炒金边粉酸酸甜甜好惹味，酸、甜、香料味道平衡有层次，每款配料都很适中。有出售海南鸡嘅食肆越嚟越多，而且好多都相当有名气。虽然泰‧兰花嘅泰式海南鸡配鸡唔算得上有名气，但亦都不过不失。鸡肉嫩滑，而份量都几多，配埋油饭都相当饱肚。饮品只点咗冻柠茶，但好喜欢餐厅将糖酱另上。学叶童话斋，要唔要，由我拣。钟意少甜、走甜都得，又唔惊餐厅搅错。