Vici Stage (已結業)

今晚Happy Friday同男朋友過左荃灣食飯，之前有朋友黎過就介紹畀我地。我地去左岩岩好仲有枱，呢度係泰國菜加西式既酒吧，仲有Live，環境唔錯~我地先叫左兩個前菜同兩個主食。自制泰式無骨鳳爪，食落酸酸辣辣咁，份量都幾多，仲有d木耳。青木爪手撕雞沙津，青木爪絲好爽口，配埋個醬汁，好開胃。紙包香茅焗鱸魚，送到出黎熱辣辣，魚肉超滑同juicy，煮到岩岩好，唔會overcooked，呢條魚食落係有驚喜既！香辣海鮮意粉，有幾隻蜆同青口，個意粉好煙X，份量都唔少，夠乾身唔會太油。我另外叫左個Cocktail - Dancing Grape，用茶壺serve幾特別，飲落甜甜地。男朋友因為要揸車，所以只可以叫Mocktails - Cinderella，個杯好靚，入面有菠蘿汁同檸檬汁，所以飲落都係酸酸甜甜咁。呢間酒吧好有驚喜，有西式野之餘，泰國菜都做得好出色。