阿叔泰麵 (西菁街) (已結業)

今日忙到lunch都冇食，一放工快快脆脆医饱个肚子先。呢间泰面成日经过门口都想试下，今日就唔好再想，坐言起行。虽然餐厅旁边都系d整车铺头，但佢橙黄色门面都几sharp。入到去装修都几靓㖞，两边墙身系泰国面嘅漫画风格，天花有唔同嘅吊饰，绝不单调，再播住泰国歌，除左味蕾嘅享受，仲比食客视觉及听觉嘅刺激，充满泰国嘅风情。船面其实系咩？其实船面系以前泰国水上市场传统小吃，系船上售卖，船面最大特色系加香料炖煮嘅肉汤，汤底味道浓郁，会加入猪血或牛血熬制，不过汤唔会有有血腥味。餐厅除左船面，另外都有饭供应，亦都可以配小食及特式饮品，不过我当然要试下船面啦，所以order左1个牛肉船面（金边粉），香茅鱼露鸡翼同泰式玫瑰奶茶。店里冷气都几强，等候期间觉得有d冻，著返件外套时，转头店员递上杯热水，非常体贴💯💯，非常多谢你❤牛肉船面，有牛腩、牛丸，配菜有芽菜、通菜、花生碎同炸猪皮。呢个船面已经系进化版，唔再系细细碗，两、三啖就食晒，相反佢份量仲要好多。先黎饮个头啖汤试下味先，牛骨汤浓郁鲜甜，牛腩够香，牛丸弹牙。阿叔仲有个小tips，加入鱼露、白醋、白糖同辣椒粉，汤底鲜味会提升，不妨一试。香茅鱼露鸡翼，炸得几