ChaTraMue (已結業)

珍珠奶茶我就饮得多，但泰国奶茶真系未饮过，因为我近年都无去过泰国旅行🙈。前排同同事倾开边间珍珠奶茶好饮，佢极力推介呢间ChaTraMue泰国茶饮🇹🇭。我见呢日去开铜锣湾行街，就顺便买杯嚟试下。Wow果然系好高人气啵，附近周围都系饮料舖，得佢呢间要排队😯。茶饮舖嘅装修劲少女风，粉红色的💕。原来仲有堂食座位添，不过呢日有下一站行程，无机会歇下脚。由于未饮过，我就细阅佢嘅Menu，点知愈睇愈花多眼乱🌸。最终想试下正宗啲同特别啲嘅饮料，所以就无要到珍珠奶茶。正宗泰国热姜奶茶($29)，天气冻啱哂饮热饮😌，味道唔错啊！因为我钟意饮姜味嘅嘢，所以觉得比平日嘅奶茶好饮，而且奶茶味都同港式嘅唔同。呢杯奶茶令我对泰国奶茶留下几好嘅印象。咸味焦糖咖啡($39)，呢杯系我朋友叫嘅，我都饮咗啖试下味。咖啡味☕️唔系苦𠮶啲，可能因为系焦糖味挂，所以唔使额外落糖都甜。但我就唔系好饮得出咸味🤔。总括嚟讲，呢间饮料舖系几有卖点，以我所知香港应该系得依间正宗嘅泰国奶茶舖吧。有机会嘅话，我会想试下佢个奶茶雪糕🍦。