船皇 (謝斐道) (已結業)

由泰国开到嚟香港嘅过江龙一定要试下，整体都无失望🤓装修以橙色为主调，望落去都好醒神，墙上挂有渔夫帽，感觉更似系船上食咁😂餐厅位置都几多，呢日晚市都唔洗等位就入得！汤面或捞面都有四款选择，面底亦都可以拣，同时都有唔少串烧同小食提供。如果叫船皇汤面仲可以加$1或$5升级同加量和牛，适合钟意食牛嘅朋友👍🏻台上放有齐全嘅酱料🤓🥢猪肉丸+猪肉+猪润 金边粉     $48汤底好香药材味，味道好浓，应该加咗猪血同牛骨。金边粉拣得啱，够索汤😍猪膶新鲜弹牙，份量都几多食极都仲有。猪肉丸就无咩味，而猪肉片就得两片，味道普通，但炸猪皮就脆卜卜唔会淋。🥢牛肉丸+牛腩+牛肉片 金边粉 (小辣)   $52个汤加左小辣，令本身汤嘅味道更丰富，有更开胃嘅感觉！牛丸相比起猪肉丸好食，起码食得出有牛味，而牛腩都好稔，易咬唔痴牙。牛肉片都系得两三片，但炸猪皮竟然有几旧。整体份量算适中，男仔食可能得七分饱。🧉泰仔冻奶茶    $18奶茶用冰碗上，甜度适中，茶味香，味道同泰国著名连锁奶茶店一样味。虽然无加冰，唔会出现冰融味道变淡嘅情况，但系夏天略厌饮落唔够冻。