泰風情

营业中

休息中

食泰国野紧系要去九龙城，但系九龙城有咁多间又食边间好呢？咁岩见到有间新开无耐既泰国野食叫泰风情，之前又未食过，就入去一尝。店内装饰都新ga~~~够光猛，而且座位间隔唔会好似其他咁迫。另外餐厅一路都会播住泰国歌仔，够晒泰国风情感觉。我地两个人去食，餐牌上林林总总既泰国食品都有，基于唔洗谂既情况下，点左个套餐食。去食泰国野，又点可以唔试返个冬荫功汤呢。上菜时已闻到好浓郁既汤味，味道小小酸带有甜味，唔会好辣。另外冬荫功汤入面只虾大大只。虾味很新鲜，唔似系冰鲜虾。之后上既系虾酱炒饭，炒饭炒得非常好，粒粒饭都炒都分开无痴埋一旧，所以每粒都可以沾得到虾酱既味道。炸得非常香口，鱼肉鲜味外带有咸味，令到你食完一块又一块。唔好意为系一碟杂菜就会普普通通。食落仲保留住应有既菜味，而且又无炒到淋sin。拣左有猪，牛，鸡，墨鱼丸同鸡肾。每款既串烧外皮都脆卜卜，再加上泰式调味，小小辣辣地，好好吃。最后既甜品系泰国最拿手既泰式椰汁西米糕。西米好多，一粒粒好弹口。椰汁味香浓。整个甜品入口清香，啱sin食完咁有口味既泰式食品之后用来清一清个味蕾。