公車泰國餐廳

营业中

休息中

最近口味有啲挑，成日都觉得啲嘢食淡而无味，想食啲重口味嘅嘢嚟满足下味蕾，所以决定去咗呢间好出名嘅公车泰国餐厅。呢度嘅菜式真系唔少，从传统嘅冬阴功汤、青咖哩鸡，到各式各样嘅炒菜同小食，应有尽有，绝对可以揾到自己想食嘅嘢。我哋叫咗 :🌴泰式盐烧乌头鱼: 外层洒满粗盐，经过炭火慢慢烧烤，令鱼皮香脆，鱼肉嫩滑多汁。鱼肉都渗透住盐香，带有淡淡嘅炭烧香气。🌴酸辣凤爪沙律：凤爪已经剥到净返肉同皮，而且煮到软绵绵嘅，再配上酸辣嘅泰式酱汁做成沙律，非常开胃。🌴马拉盏炒通菜：呢道菜真系唔可以错过！通菜用咗马拉盏炒到好爽脆，而且味道有一股好浓嘅虾味，保证你一试就会爱上。🌴泰式炒蛏子: 新鲜嘅蛏子配埋辣椒同蒜头一齐炒，蛏子肉质细嫩，吸收咗混合嘅酱汁，带有微微嘅辣味，再加上一点特制嘅泰国酱，滋味非常独特。