船皇 (謝斐道) (已結業)

系铜锣湾一带行街，经过船皇，见佢有下午茶，仲要$36起。因为自己钟意食泰国菜，所以我就入咗去。船皇主打船面，而因为一般嘅船面都比较细碗，所以船皇提供咗细碗面同大碗面选择。细碗单嗌一碗$12，真系好抵食。本身都唔知叫下午茶餐就会有齐晒三碗细碗面，包括牛肉、猪肉同鸡肉。每一碗细碗面都可以畀你再拣辣唔辣，同埋可以拣返你想要嘅粉面种类，例如河粉或者金边粉。所以，你可以有好多个combination。三碗细碗面(金边粉&唔辣) ($36)牛肉细碗面入面有肉片、牛腩同牛丸。 猪肉细碗面就系有猪腩片、猪肉丸同猪润。 鸡肉细碗面有鸡丝同埋鸡翼。汤底非常浓郁，佢主要用牛肉、猪红熬成，除咗有浓浓肉味外，仲有唔少肉碎捞汤。虽然细碗面份量比较少，一碗大概有两三啖面，但当你食晒三碗面后，感觉上都几饱。我最欣赏系猪润，因为猪润味道带有姜味，质感爽口。过，我一食完，就听到店员话卖晒猪润。青柠梳打 (+$0 跟餐)梳打用金属碗盛住，好有泰国风情。泰式炸猪皮 (+$8 跟餐)炸猪皮十分香口脆身，我食到「chop chop」声，上碟时仲有系暖身唔咪即炸呢？!