水門雞飯 (百宜樓) (已結業)

第一次来到元朗呢间「水门鸡饭」，门面看感觉就还不错，走平民路线得来又有点小心思。先睇门面全部用银色枱面同埋装修，加埋个水吧位，成个感觉同泰国既小档口一模一样，而重点系呢到干净企理得多，挂埋简简单单既泰国风既画，有风格得来唔好太抢，小店来谂系几有心思。今次叫左三样野:「水门鸡饭」、「泰式炒通菜」、「 秘汁泰式生虾」招牌「水门鸡饭」跟一碗「胡椒冬瓜鸡汤」，鸡汤非常够味，胡椒味好重，完全系泰国既风味。鸡饭配油饭，鸡非常滑，油饭中规中矩，整体配埋个汁都唔错，不过伴碟既青瓜建议可以多几块，中和一下比轻重味既饭同汤，感觉会再好点。「泰式炒通菜」有泰国风味，食到系泰式既调味，唔油又唔算太重味，份量算多，算系合格合理的炒菜。「 秘汁泰式生虾」非常不错，生虾好爽口，食得出系新鲜的。「秘汁」好惹味，个人觉得调味几适中唔会太抢，重点系见到佢好细心咁摆盘，值得一赞。整体呢间「水门鸡饭」算系一间有心思既店，基本食物质素几到位，细位心思世都做得唔错，简简单单但见到当中有执著，唔错!