影片
更多
2021-05-21
2535 浏览
好耐无同妈妈两个人出去食嘢，趁住母亲节嚟个母女约会。自从发现屋企行路去荃湾只喺需要半个钟之后，我哋成日过去当散步。中午时份行到大汗叠细汗，一到如心广场就觅食去。拣咗电梯上去就望到嘅泰国菜，闲日近两点唔使等，仲安排到卡位，坐得舒适。热带风情 $42天气热辣辣，连平日少饮冻饮嘅妈妈都要咗杯沙冰。沙冰芒果味浓，唔会太假/太甜，大大杯饮极都有。洛神花黑糖姜茶 $42洛神花略带酸，有黑糖中和，加上新鲜姜嘅辣劲，讨喜。泰香鱼饼 $68鱼饼一客四件，似自家手打，加入柠檬叶等香料，食到鲮鱼味。清新柚子虾沙律 $72柚子肉多汁，虾大只爽弹，薄荷叶有如神来之笔，清新开胃。火山排骨(小) $118店员捧上时个感觉好有派头，三、四旧骨叠得高高，肉质似腍滑嘅煲汤肉，全靠底下嘅蒜头、鱼露、汁酱调味，细份份量都好多，建议四人以上先好叫。泰式腊肠蟹肉炒饭 $128饭炒得干身有蛋香，蟹肉主要散落在上，加埋半肥瘦腊肠、露笋，食落好惹味。两个人饱到晚饭都几乎食唔落，妈话下次再一齐揾食，你开心我就开心，约定你。
自从发现屋企行路去荃湾只喺需要半个钟之后，我哋成日过去当散步。中午时份行到大汗叠细汗，一到如心广场就觅食去。拣咗电梯上去就望到嘅泰国菜，闲日近两点唔使等，仲安排到卡位，坐得舒适。
热带风情 $42天气热辣辣，连平日少饮冻饮嘅妈妈都要咗杯沙冰。沙冰芒果味浓，唔会太假/太甜，大大杯饮极都有。
洛神花黑糖姜茶 $42洛神花略带酸，有黑糖中和，加上新鲜姜嘅辣劲，讨喜。
泰香鱼饼 $68鱼饼一客四件，似自家手打，加入柠檬叶等香料，食到鲮鱼味。
清新柚子虾沙律 $72柚子肉多汁，虾大只爽弹，薄荷叶有如神来之笔，清新开胃。
火山排骨(小) $118店员捧上时个感觉好有派头，三、四旧骨叠得高高，肉质似腍滑嘅煲汤肉，全靠底下嘅蒜头、鱼露、汁酱调味，细份份量都好多，建议四人以上先好叫。
泰式腊肠蟹肉炒饭 $128饭炒得干身有蛋香，蟹肉主要散落在上，加埋半肥瘦腊肠、露笋，食落好惹味。
两个人饱到晚饭都几乎食唔落，妈话下次再一齐揾食，你开心我就开心，约定你。
张贴
