泰式食

营业中

休息中

餐厅喺金百利广场8楼，一行出䢂就见到，餐厅面积大，位置好阔落，餐厅有好多泰国风格嘅布置。食lunch时间好多人客，差唔多坐满餐厅，lunch set仲系半自助餐，有小食，有汤。而我地今次就单点左唔同嘅小菜。我地叫左原个椰青焗饭，泰式烧猪颈肉，野饮就叫左芒果沙冰。原个椰青焗饭──将椰肉刮左出嚟整焗饭，有虾，芒果，椰肉等等。个汁唔会太浓，所以食到椰香味，可惜椰青算大个，所以饭嘅份量唔算多。泰式烧猪颈肉──肉质中得瘦，而且系薄切，烧起上黎几爽口同边边比较脆，配嘅汁甜甜地带好少嘅辣，几惹味。而芒果沙冰就大大杯，沙冰冇好大旧 ，打得够细，用饮管都唔会塞住，芒果味都几香。甜品就叫左椰青大菜糕，好香椰香味，大菜糕入口唔会太实，好食。