拳王泰國餐廳 (已結業)

经过一日辛苦既工作，晚餐紧系食番餐好少少既奖励自己了，今次特登黎到呢间几出名既拳王泰菜馆食野。一入到去望下个装修都几有feel，四周有D泰拳比赛既照，仲有部电视播紧MMA既比赛，可以比我地等紧食物既时候打发下时间，两个人叫左一个菠萝炒饭，十二串串烧，一个马拉盏炒通菜，一个蚝饼再加两杯饮品。其中最足料既紧系个菠萝炒饭了，极之足料，饭上有虾有青口，味道酸酸甜甜有助开胃，仲有阵阵菠萝香味，食落真系充满满足感，至于串烧拌既酱味道唔错，蚝饼亦都新鲜滚热辣，所有食物亦唔算太辣，唔食得辣既人都可以一试！