影片
更多
2021-10-04
384 浏览
今日4人行，拣左呢间在Soho 的特色泰国菜，近期好Hit嘅打卡胜地，喜欢呢度环境好Chill ，放工之后可以饮下洒，食下小食，倾下计，我哋订左8:15 ，去到全埸爆满，环境昏暗，装修好有泰国feel，播住音乐，睇住调洒师一边调洒一边同客人倾偈，真系犹如置身系泰国咁，另外如果唔怕热可以要求坐门口位置，𠮶个位一路睇住条街一路饮嘢好有feel，职员当中有泰国人，有香港人应该系老板，佢好努力介绍佢哋餐厅嘅推介食物，其实佢餐牌唔算多嘢食，都系果句，贵精不贵多，咁多选择都系唔会点得晒，价钱方便如果坐落喺中环其实都尚算合理，当然份量可以多少少就最好，系饮品贵咗少少，食物质素超级有泰式风味，因为厨师系正宗泰国人，钟意食重口味泰式香料味道，朋友唔可以错过。▪️Thai larb lettuce wrap $158泰式生菜包泰式香料腌制嘅新鲜猪肉碎，猪肉半肥瘦，加上其他辣椒洋葱香料配罗马生菜，好好味，我超级钟意，唯一如果唔食得辣嘅朋友要注意，因为都几辣💛💛💛💛▪️Thai basil chicken spaghetti $78 half 泰式香料炒意粉配鸡肉呢个主要味道系来自罗勒和辣椒等香料的炒鸡肉意大利粉
今日4人行，拣左呢间在Soho 的特色泰国菜，近期好Hit嘅打卡胜地，喜欢呢度环境好Chill ，放工之后可以饮下洒，食下小食，倾下计，我哋订左8:15 ，去到全埸爆满，环境昏暗，装修好有泰国feel，播住音乐，睇住调洒师一边调洒一边同客人倾偈，真系犹如置身系泰国咁，另外如果唔怕热可以要求坐门口位置，𠮶个位一路睇住条街一路饮嘢好有feel，职员当中有泰国人，有香港人应该系老板，佢好努力介绍佢哋餐厅嘅推介食物，其实佢餐牌唔算多嘢食，都系果句，贵精不贵多，咁多选择都系唔会点得晒，价钱方便如果坐落喺中环其实都尚算合理，当然份量可以多少少就最好，系饮品贵咗少少，食物质素超级有泰式风味，因为厨师系正宗泰国人，钟意食重口味泰式香料味道，朋友唔可以错过。
▪️Thai larb lettuce wrap $158泰式生菜包
泰式香料腌制嘅新鲜猪肉碎，猪肉半肥瘦，加上其他辣椒洋葱香料配罗马生菜，好好味，我超级钟意，唯一如果唔食得辣嘅朋友要注意，因为都几辣💛💛💛💛
▪️Thai basil chicken spaghetti $78 half
泰式香料炒意粉配鸡肉
呢个主要味道系来自罗勒和辣椒等香料的炒鸡肉意大利粉，相当惹味，一样系辣到十足，炒得好干身，配料仲多过意粉🤣🤣💛💛
▪️Thailand on a platter $178泰式拼盘
呢个拼盘分别有，肉碎虾饼，炸鱼饼，炸虾枣，扎肉，炸皮蛋，味道唔错，都系充满泰式风味，炸得好香脆，但我觉得呢个拼盘太贵，因为份量真系好少，可能再加多少少食材或者份量，会比较合理
▪️Chicken wings $58炸单骨鸡翼
单骨鸡翼用嘅炸粉炸都外皮好脆，而且充满泰国香料味道，鸡肉好多肉汁，正💛💛💛
▪️Prawn toast $58虾多士 x 2
呢个系用咗面包包住虾肉一齐炸，外层加左大量芝麻，虾肉好爽，而且炸得好干身，一啲都唔油
👍🏻必点菜式💛💛💛
▪️Lemongrass ginger squab $88
泰式香料炸乳鸽
呢个乳鸽味道好精彩，乳鸽虽然几细只，但佢用嘅味道好香柠檬草及泰国香料加上蒜盐一齐食，好味差啲连骨都想食埋💛💛💛
▪️Thai Crackers $32炸虾片
送洒必备佳品，虾片佢哋自己炸好香脆💛💛
▪️Naem sour pork sausage $28烧泰式肉肠 x 2
呢个肉肠好特别，外层好烟韧包住啲肉一齐烧，都系充满泰国香料，几特别几好味💛💛
▪️Porks neck $32烧猪颈肉 x 2
猪颈肉我觉得一般，冇乜味同埋太瘦
▪️Pineapple $32 烧菠萝
菠萝烧得Juice，而且好甜💛💛
▪️Red horse sunset $128 🍹 x 3
Drink 方便特别想介绍吓呢个，职员讲话呢个系求醉嘅cocktail ，介绍话系高酒精同埋加咗好多唔同嘅果汁去做，佢讲咗好多我净系记得系有一 shot tequila 🤣🤣，嚟到嘅时候饮嘅方法好特别 ，佢会分开两个杯，一个小杯系装tequila ，大𠮶只杯系装其他，饮法系成个Tequila连杯掉落个大杯度，咁就饮得㗎喇，几特别几好玩，味道都易入口嘅，但系饮咗一两杯都唔会咁快醉既💛
📍有片睇嘅
其他饮品我就唔详细介绍啦大家有兴趣可以去体验下，职员好乐意为你讲解🥳🥳
▪️Sabai Sabai $98 🍹
▪️House wine $72 🍸
▪️Little Creatures $78 🍺 x 2
▪️Coke $ 38
▪️Cake Cutting $100
13 浏览
0 赞好
0 留言
张贴
