阿來泰式地道風味

营业中

休息中

Lunch想食泰国菜，咁啱响先达附近，有朋友推介过阿来泰式值得试吓，所以不作他想，直接入座，反正咁啱唔使等位。今次先嚟一碟泰式生虾刺身（$98），共有八只，份量都足，配埋辣椒、蒜头等配料一齐食，非常惹味又醒神。好想食虾，主菜要个泰式蒜蓉烧虎虾（$108）。两只虎虾开半处理，容易食用，最爽快当然系拎住食；加入适量蒜蓉调味，令虎虾鲜味以外，多咗层次同鲜香。一定要点辣酱，咁先至系正宗泰式风味！仲欠啲碳水化合物，所以点咗蒜蓉包（$25），一客总共有四片，烤得香脆可口，热气咗少少，不过又好好味，健康同美味真系鱼与熊掌，难以兼得。楼上仲有座位，唔怕行的话可以坐楼上无咁人来人往。