影片
更多
2017-12-20
60 浏览
泰厅泰好厅一到秋冬其实除左打边炉，我都唔会放弃我钟意食既泰国菜，冬天食个热辣冬荫功都正ga，今日山长水远特登入元朗试食呢间泰厅，就系我元朗地胆朋友既极力介绍，最后我发现呢个平时伏我多过好介绍既朋友今次⋯⋯无介绍错！即刻比返个食后报告大家。食泰国菜有三宝必食：冬荫功、生菜包同埋糯米饭。我平时都对泰国菜有返d要求，尤其呢三样。冬荫功汤，泰厅既厨有返咁上下板斧，佢整个冬荫功汤系要等的，而且一等就等10几分钟，点解？因为佢地话个师傅会落order先即刻煮比你，唔系就咁一煲不汤咁不出黎，我见个晚全场基本每台客都叫，就知道唔少野。上到台无呃人，椰汁啱啱倒落去，试一旧草菇系爽既，虾肉唔会太老，真系即刻order即刻整。饮啖汤，一入口系酸酸辣辣之后香料味同埋虾头味就出啦，最后先系椰奶余香，唔讲得笑，个冬荫功系有返咁上下水准。生菜包就快上既，望落去见到有香茅叶、葱头、香菜、葱炒过，肉碎间有辣椒，生菜包其实肉碎唔应该咁干身，所以见到佢肉碎面头有d光泽都有d信心，食落去香料味够既，唔会一味死辣，起码分到唔同香料味，不错。期间我地仲叫左生虾同埋炒大蚬，我觉得生虾黎讲，煮就无分高低既，好睇只虾够唔够新鲜（姐系睇
一到秋冬其实除左打边炉，我都唔会放弃我钟意食既泰国菜，冬天食个热辣冬荫功都正ga，今日山长水远特登入元朗试食呢间泰厅，就系我元朗地胆朋友既极力介绍，最后我发现呢个平时伏我多过好介绍既朋友今次⋯⋯无介绍错！
即刻比返个食后报告大家。
食泰国菜有三宝必食：冬荫功、生菜包同埋糯米饭。我平时都对泰国菜有返d要求，尤其呢三样。
冬荫功汤，泰厅既厨有返咁上下板斧，佢整个冬荫功汤系要等的，而且一等就等10几分钟，点解？因为佢地话个师傅会落order先即刻煮比你，唔系就咁一煲不汤咁不出黎，我见个晚全场基本每台客都叫，就知道唔少野。上到台无呃人，椰汁啱啱倒落去，试一旧草菇系爽既，虾肉唔会太老，真系即刻order即刻整。饮啖汤，一入口系酸酸辣辣之后香料味同埋虾头味就出啦，最后先系椰奶余香，唔讲得笑，个冬荫功系有返咁上下水准。
生菜包就快上既，望落去见到有香茅叶、葱头、香菜、葱炒过，肉碎间有辣椒，生菜包其实肉碎唔应该咁干身，所以见到佢肉碎面头有d光泽都有d信心，食落去香料味够既，唔会一味死辣，起码分到唔同香料味，不错。
期间我地仲叫左生虾同埋炒大蚬，我觉得生虾黎讲，煮就无分高低既，好睇只虾够唔够新鲜（姐系睇入货有无诚意姐）泰厅就有既，起码虾肉爽而鲜甜，配埋酸辣汁点系开胃。
炒大蚬睇炉头大哥，够镬气既整多几只黎送饭都得，唯一有少少不足系唔够汁，捞唔到饭，但味道黎讲系水准之上，值得同你对面个个争食既。
last，芒果糯米饭。
芒果够甜，用既应该系泰国芒，而且个椰汁一d都唔同你悭，就咁一野车落去，啖啖饭都混有椰汁香味，而且白糯米同黑糯米都有，两种唔同既口感可以随便转换，几得意。
总括黎讲，我会再次黎呢间小小既泰国餐馆，无几十个位，唔系豪华装修，但系味道拍得住出面d大牌泰菜，重点系两个人埋单$400唔洗，抵到。
张贴
