新泰東南亞餐廳

营业中

休息中

尖沙咀依间「新泰东南亚餐厅」简直系尖东嘅地标，依度嘅食物出品唔错，不过个椰青班戟同想象中有所出入，就有少少失望，可能因为依间餐厅都多生意，依度嘅Staff做嘢好快手，不论上菜定收枱，但服务都好好，会主动加水及换碟。*此餐厅收取加一服务费。香辣海鲜炒河（单点$108），好足料，大虾肉质爽口，味道鲜甜，鱿鱼口感弹牙，食落好惹味，青口食落好新鲜，味道香辣，河粉炒得够干身，食落辣度6分，会越食越辣，配料包括有芦笋、车厘茄、秀珍菇、珍珠笋、红椒、红萝卜、洋葱、香叶、生菜。香芒软壳蟹米纸卷（单点$98），表面铺有炸蒜，米纸卷口感烟韧，内有生菜、芫荽、米粉，略嫌一半米纸卷近乎没有软壳蟹、香芒，软壳蟹口感酥脆，香芒味道香甜，配以泰式香柠汁食用，味道更佳。烧猪颈肉沙律（单点$88），烧猪颈肉份量多，表面铺有洋葱、香叶、芝麻、辣椒、芫荽、香葱，猪颈肉肉质爽口，味道酸辣，生菜口感爽脆。椰青班戟（单点$60），本来以为系类似可丽饼类型嘅Pancake，点知食落比较类似年糕，班戟口感软糯，食落带点焦香味道，表面铺有椰浆，内有椰子肉，味道清甜。