婆婆的家

营业中

休息中

湾仔街坊，有时经过轩尼诗道近金钟嘅永昌大康，见到有间上楼泰菜。喺呢到见无食评，就过门不入。今个星期六终于心血来潮单拖食晏，庆幸无走宝。平日有lunch set，星期六散叫。因为想试完先带朋友嚟，就叫咗啲“考牌菜”。猪颈肉粉丝，加廿几蚊转冬荫公汤。我怕偏酸嘅冬荫公，呢到嘅冬荫公啱晒我，唔会太酸，辣味都啱啱好。猪颈肉唔太肥又唔太干。炸虾饼（细），有6块，好慷慨，新鲜即炸，香口好味。冻泰式奶茶，正常表现。全场得我一个，泰籍阿姐好亲善，问我食物啱唔啱口味。问佢生意点，果然只系平日返工食晏时间先多生意，一到平日夜晚和星期六就水静鹅飞。始终食肆位置唔系人流旺嘅大街，仲要上楼舖，又缺少宣传，系呢个饮食业揾食艰难嘅日子，真系令人忧心。呢到系会员制，填表入会，下次就可享9折优惠。阿姐好好客，送咗个自家制小小椰汁糕我试，里面有芋头粒，比坊间一般嘅椰汁糕口感更丰富。平日lunch set百零蚊，包前菜饮品甜品。