Orange Elephant Thai Restaurant (博文街) (已搬遷) 新店位置

今晚经过大角嘴，被橙象吸引左入去试，原因系佢铺头光猛阔落，坐得好舒服，仲有推广1蚊优惠一个𩠌，我当然唔错过呢个机会啦。加1蚊优惠一碟虾饼，完全无欺场，新鲜即炸4大件虾饼弹牙十足好足料。泰式卤水猪髀焗粉丝煲（$109）粉丝煲好大煲又足料，好香黑椒味，卤水猪髀碎上但份量都好足够，猪皮香滑富胶质，另外有好多配料，感觉抵食又够镬气。冬荫功汤明炉乌头鱼 （$169）好大条乌头鱼配着浓浓的冬荫功汤底，配着大量秀珍菇加车厘茄，佢仲另上一大碗冬荫功汤，所以169蚊好抵食，肉质鲜滑唔会老，又渗透着泰式冬荫功嘅味，比传统明炉乌头更口感丰富。椰青大而厚肉，又够冻。系一间性价比高嘅泰式餐厅，价钱又唔贵。