泰式東王

营业中

休息中

之前一向都有帮衬过几次，食物质素唔错，由其泰烧唔系周围都有，今日1930到舖2人总共叫左1个泰式烧烤3支啤酒1杯特饮，食物15分钟 就上齐， 食左十分钟都冇，个泰国女仕过黎话冇得换铁板，快啲烧，咁唯有配合啦，用餐到尾声，刚好食晒全部烧肉，当时系2115左右，剩返一盘蔬菜，同一位泰国女仕用不礼貌嘅态度同我讲依度食饭有限时，然后打算将我啲蔬菜收咗佢，当时我并唔知道有咁嘅限制，而且舖头亦都冇写我即刻问佢其实有限几耐呢？ 佢又冇直接答就走开左。旁边嘅店员就表示唔使理佢而且同我道歉。再隔多2分钟，佢再嚟收多一次，当时我嘅蔬菜根本就未食过，而且一直都有叫嘢饮打算继续order,不过佢态度十分恶劣，话限时90分钟。然后将我盘蔬菜收走咗。眼见我隔篱枱𠮶班泰国人喺我未入座之前已经坐咗喺度食紧，而且仲继续用餐。而当时舖头亦有几张吉枱，外面冇人等位。继续询问佢又支吾以对，成餐饭嘅气氛已经俾佢破坏咗，就结帐走人。唔想做香港人生意，其实早啲讲。难得有质素好嘅食物，咁嘅店员令到气氛直接破坏。无谓贴钱买难受。