影片
更多
2009-11-01
32 浏览
23-10-2009有幸出席呢餐非常的特别 dinner, 多谢晒食友 M 的邀请! 炸虾饼: 虾的比例比其他地方食到的多好多, 食落有实实在在的粒粒虾肉, 味道鲜甜, 食落无油, 弹牙之余系松化得似食紧饼干 , 再蘸点酸多过甜的酱汁, 系十分开胃又唔腻的小食, 正 面头仲有炸柠檬叶 furnish 一下, 又系炸得酥脆无油, 带淡淡草香 (食友们仲笑说「无碧丽珠味」!?!? ), 几讨好. 第一道菜就咁出色, 不错的开始㖞. Minced chicken & prawns with corn in crispy corn basket: 将面头的芫茜剔除后成件放入口, 食到淡淡粟米香, 及鲜虾肉的清甜味, 无留下深刻印象, 不过都几好食的.烧牛肉沙律: 牛肉烧得香口软腍, 沙律 base 以洋葱及蕃茄为主, 配上多酸微辣的唔知乜 (醋/鱼露-based?) 沙律汁, 够晒开胃, 不过又一印象唔深菜色... 青木瓜沙律: 青木瓜幼如 capellini (!), 食落极爽口清嫩, 辣度就比想像中温和得多, 酸度亦唔算高, 好对胃口 烧猪颈肉: 一般肥美爽口, 亦烧得
有幸出席呢餐非常的特别 dinner, 多谢晒食友 M 的邀请!
炸虾饼: 虾的比例比其他地方食到的多好多, 食落有实实在在的粒粒虾肉, 味道鲜甜, 食落无油, 弹牙之余系松化得似食紧饼干 , 再蘸点酸多过甜的酱汁, 系十分开胃又唔腻的小食, 正 面头仲有炸柠檬叶 furnish 一下, 又系炸得酥脆无油, 带淡淡草香 (食友们仲笑说「无碧丽珠味」!?!? ), 几讨好. 第一道菜就咁出色, 不错的开始㖞.
Minced chicken & prawns with corn in crispy corn basket: 将面头的芫茜剔除后成件放入口, 食到淡淡粟米香, 及鲜虾肉的清甜味, 无留下深刻印象, 不过都几好食的.
烧牛肉沙律: 牛肉烧得香口软腍, 沙律 base 以洋葱及蕃茄为主, 配上多酸微辣的唔知乜 (醋/鱼露-based?) 沙律汁, 够晒开胃, 不过又一印象唔深菜色...
青木瓜沙律: 青木瓜幼如 capellini (!), 食落极爽口清嫩, 辣度就比想像中温和得多, 酸度亦唔算高, 好对胃口
烧猪颈肉: 一般肥美爽口, 亦烧得唔多够香, 食咗都唔多记得...
青咖喱鸡: 鸡件唔嚡, 咖喱汁有点稀, 辣度比想像中低, 味道除带点 basil 香以外, 就较咸, 不过青咖喱我一向麻麻, 唔讲太多了.
红咖喱鸭: 汁较浓稠, 好香, 唔辣, 椰味重, 带点甜味; 烧鸭件亦唔马虎, 几嫩腍, 连皮食带淡淡鸭膻香, 送饭一流的一道菜!
Massamen 咖喱牛: 第一次食 massamen curry, 咖喱汁带点 nut 味姜味香茅味, 质地比红咖喱更浓稠, 有点印度 feel 牛肉烩得软腍入味, 又系送饭一流.
冬荫公虾汤: 我怕死, 要了「小辣」, end up 辣度刚好 (睇怕 "default" 辣度应该辣得死我...), 而且可能因为汤底无落椰汁, 饮落酸香及柠檬叶味突出; 配料就以虾及草菇为主, 印象特别深刻又系𠮶两只新鲜清甜肉又爽的海虾, 哈哈
脆肉炒芥兰: 脆肉唔脆, 芥兰就够爽脆又几嫩, 还可以的一味.
泰式炒金边粉: 配料有 standard 的虾, 豆干, 葱, 芽菜 etc, 炒得颇干身, 食落烟韧, 味道甜多过酸; 4 款配料 (e.g. 鱼露, 糖, 辣粉...) 就一款都无试到, 真失败
Thai 以外, 亦食了 3 款 Grill, 好似系 USDA Rib Eye, US Red Angus Beef Tenderloin 及 Australian Wagyu Rump... 几款都烤得好香, wagyu 最软腍嫩滑, Angus 牛味就最重最「浓缩」, rib eye 就带点油脂的甘香, 个人而言就最喜欢 Angus
几款酱汁有 green peppercorn, mushroom & cream, béarnaise 及 Thai Jiew Dip, 只试了 mushroom & cream 及 béarnaise, 前者杰身, 菇香浓烈, 味道有点似 gravy, 后者就系牛油-based, 带点酒味又酸酸哋, 配牛扒都不错.
盐有 4 款, 试了 Himalayan, 谂起 Intercon 的「名物」(http://www.openrice.com/restaurant/commentdetail.htm?commentid=2016640), 哈哈 Mustard 就有 3 款, 试了「招牌」(?) truffle mustard, 香得紧要, mustard 的微辛及 truffle 的浓香加埋一齐, 原来好夹, 仲竟然有点 "aftertaste", 劲正
Side orders 有 creamed spinach with pine nuts & shallots 及 sauteed mushrooms with herbs -- 只试了前者, buttery 又 cremay 到呢 , 忍唔住当 cream of spinach 汤系咁「毕」嚟饮
食完一堆牛扒已好饱, 但 dessert menu 咁吸引, 唔系唔食呀嘛?
Chocolate chilli tart with mango sherbet: 朱古力味够香浓, 少甜, 不过就无乜 chilli 痕迹; mango sherbet 味道够自然清新, 但我觉得同 chocolate 唔多夹, 还是 creamy 一点的雪糕较好.
芒果糯米饭: 糯米饭软熟, 索满椰汁香, 芒果亦香甜无渣, 简单的一味亦做得出色, 不过糯米始终较腻又饱肚, 劲饱的大家好努力仍然食剩唔少呢
Pineapple pancake 面头的系 thyme & lime sherbet: "pancake" 质地味道都似 sponge cake 多 d, 食落松化轻盈, pineapple 味就较淡; thyme & lime 用嚟造甜品真系第一次食, 雪葩做得幼滑, 味道劲酸, 带淡淡草香, 令人谂起 Mix 的 Grapefruit Granita (http://www.openrice.com/restaurant/commentdetail.htm?commentid=147063), 几得意.
Coconut creme brulee: 据闻系呢度「名物」, 用椰皇做碗, 面头焦糖我觉得厚了少少, 不过够香甜; custard 甜度低, coconut 味又唔会盖过蛋香, 好食㖞
Coconut ice cream 落了粟米及芋头一齐打, 味道带少少咸, 几特别;「后加」的就有海底椰及 cashews, 多一份咬口, 几得意亦几好食.
而咁多款当中, 最正就系 Thai Tea ice cream -- 滑溜, 甜度低, 茶味好香, 带点甘甘哋, 唔知乜茶嚟0架呢? 好喜欢呢
食物精致又好食, 环境及服务当然亦十分好, 不过呢度系 Grand Hyatt, 唔系唔好呀嘛?
再次多谢食友的邀请及店方的安排, 希望将来有钱再帮衬呢度一次吧.
张贴
