泰廚泰國菜館

营业中

休息中

成日都行金鱼街, 成日都俾一阵串烧味吸引住~ 但系又唔知点解又好少停底睇下系边度有串烧买, 今日好大风, 但系做完GYM又好饱饿, 由行人天桥一落就见到一间泰国野, 门口有串烧~ 好鬼香, 我就知今晚系你啦~~~ 铺面细细~ 原来佢仲有阁楼, 但系我地拣咗坐下层, 第一吸引我眼睛系一个食满200蚊加1蚊有泰式生虾食~ 好扺丫~ 叫咗一个细泰式小食盘饼, 椰青, 泰式香叶肉碎饭, 烧鸡全翼两只, 同埋一个泰式烧猪颈肉汤河~ 泰式生虾---好新鲜, 有虾味, 唔似系雪藏货, 个泰式汁唔太辣, 泰式小食盘饼--有沙爹烧猪肉2串, 2块炸虾饼, 2块炸鱼饼, 2条炸春卷, 虾片, 85蚊都几扺食~ 个沙爹汁超惹味 泰式香叶肉碎饭---炒得一D都唔油, 香叶好多~ 成个饭都好香, 仲加埋只荷包蛋, 好有泰国街边小炒FEEL, 好好味 烧鸡全翼---哩个一定要叫~ 烧得鸡皮好香~ 唔驶去BBQ身水身汗啦~ 俾15蚊有人烧埋俾你食~ 好正 椰青--- 要赞下佢买货果个人~ 椰青好嫩~ 椰肉可以全食~ VERY GOOD~ 结论: 非常扺食~ 种类多~ 值得推介~~