泰肥牛海鮮火鍋菜館 (已結業)

食串烧去边好???远就新加坡、泰国，不过呢期无钱去旅行。近就九龙城，已经成日食。一次意外，去佐敦LEE间泰肥牛食，意外系因为唔知佢有得食串烧，以为只系食泰式火锅。老实讲我觉得佢唔就脚，不过好食另计，九龙城都唔见得方便喇，RIGHT?!无学人食火锅，串烧反而叫左一盘，计过廿几蚊串，有烧鸡肝、烧蚝仔、烧八爪鱼丸、烧鸭胸肉。个烧蚝仔比较少见，1串数过有8只，配个甜甜地咖喱汁唔错，蚝味好够一啖一只。八爪鱼丸系第二好，入面有碎八爪鱼粒，食落唔粉抵赞，我地再ENCORE左两串。饮埋泰啤，小食多滋味呢句说话真系无错。之后整左个生菜包，清清地又系𩠌酒，仲有咖喱蛋白花竹虾，虾系游水虾，虾够新鲜其实一定唔会差得去边。反而就谂唔到蛋白汁好重虾味，用黎捞饭同配法包食就最觉个虾味，本内唔想叫白饭，点知添多两碗饭，哈哈又爆quota~~~~